Ўзбекистон тарихи давлат музейининг ёшлар билан ишлаш маърифий услубий бўлимида Камолиддин Беҳзод номидаги Миллий рассомлик ва дизайн институти билан ҳамкорликда Миробод тумани 263-умумтаълим мактаби ўқувчилари учун яқинлашиб келаётган 8 март – Халкаро хотин-қизлар куни муносабати билан «Тарихда ўчмас из қолдирган ўзбек аёллари» мавзусида очик дарс ва маҳорат дарси ташкиллаштирилди.

Унда институтнинг «Дизайн» кафедраси профессор-ўқитувчилари Мафтуна Хасанова ва Шахноза Турсунова раҳбарлигида «Саноат дизайни» таьлим йуналиши талабалари «Квилинг» техникасида маҳорат дарси олиб бордилар.

Ўтказилган маҳорат дарси ўқувчиларда ёрқин таассурот қолдирди.