Yurtimizning tarixiy, ulug‘vor maskanlariga tashrif buyurgan har bir san’at ixlosmandini qalbida vatanga bo‘lgan mehr va iftixor tuyg‘ulari yanada shakllanishi, shubhasiz. Institutning Tasviriy san’at fakultetida tahsil olayotgan bir qancha guruh talabalari O‘zbekiston san’ati tarixi fani doirasida tarixiy va mardonavor shahar Samarqandi azimga sayohat qilishdi. “San’at tarixi va nazariyasi” kafedrasi dotsenti, o‘z kasbining ustasi, talabalarning sevimli ustozi Shuhrat Abdullayev boshchiligida tashkil etilgan mazkur ijodiy sayohat talaba-yoshlar uchun iliq taassurotlar bilan qarshi olindi.