Ўзбекистон Республикаси Президенти Ш.Мирзиёев томонидан мактабгача таълим тизимини ривожлантириш, янада такомиллаштиришга доир қатор чора-тадбирлар режасига кўра, мактабгача таълим тизими объектларини қуриш, капитал таъмирлаш ва жиҳозлаш бўйича қатор вазифалар белгилаб берилган.
![](http://mrdi.uz/wp-content/uploads/2019/04/13.jpg)
Мазкур вазифаларнинг изчил давоми сифатида Камолиддин Беҳзод номидаги Миллий рассомлик ва дизайн институти Тасвирий санъат факультети “Маҳобатли рантасвир” ва “Дастгоҳли рангтасвир” кафедралари профессор-ўқитувчи ва талабалари томонидан ҳайрли ишга бел боғланди. 2019 йил 9-10 апрель кунлари Тошкент шаҳри, Миробод тумани, Меҳржон кўчаси 41-уйда жойлашган нутқида нуқсони бор тарбияланувчилар учун мўлжалланган мактабгача таълим муассасасининг болалар ўйингоҳлари, ҳовли майдончалари экстерьерларида безаш ишлари амалга оширилди.
![](http://mrdi.uz/wp-content/uploads/2019/04/2-6.jpg)
Ҳар бир майдончаларнинг деворларига эртаклардан сўзловчи лавҳалар, болалар таассуротига хос бўлган суратлар ранг- баранг бўёқларда акс эттирилди. Икки кун давомида амалга оширилган безак ишлари боғча ҳовлиси кўркига кўрк қушди. Ушбу муассаса ходимлари томонидан бажарилган ишлар юзасидан институт раҳбарияти ва факультет профессор-ўқитувчилари хамда талабаларига миннатдорчиликлар билдирилди.
![](http://mrdi.uz/wp-content/uploads/2019/04/9.jpg)
![](http://mrdi.uz/wp-content/uploads/2019/04/15.jpg)
Тасвирий санъат факультети декани А.Юсупов