Qo‘qon shahrida o‘tkazilayotgan II xalqaro hunarmandchilik festivalida Kamoliddin Behzod nomidagi Milliy rassomlik va dizayn instituti Amaliy san’at fakulteti talabasi, yosh iste’dod sohibasi Juldiz Aspisbayeva ham munosib ishtirok etmoqda.
An’anaviy zargarlik va milliy qog’irchoqlik san’atida yaratilgan ijodiy namunalar festival povilionidan munosib joy egallagan. Ushbu festival uchun Qo‘qon shahri tanlangani bejis emas. Qadimiy va go‘zal shahar dunyoga dovrug‘i ketgan mohir hunarmandlar maskani sifatida ma’lum va mashhurdir. Qo‘qon yog‘och o‘ymakorlik maktabining atoqli namoyondasi, O‘zbekiston xalq rassomi Qodirjon Haydarov ushbu sohada milliy an’analarni saqlab qolib va yanada rivojlantirib, iste’dodli yoshlarni tarbiyaladi. Bu borada amalga oshirilgan ishlari har qanday hunarmand uchun ibrat va o‘rnak namunasidir.
✨Iqtidorli talabamiz Juldiz Aspisbayevaga ulkan muvaffaqiyatlar va ijodiy barkamollik tilaymiz!
✍🏻MRDI Matbuot xizmati
