Abituriyentlar, ularning ota-onalari va yaqinlari diqqatiga!

Kamoliddin Behzod nomidagi Milliy rassomlik va dizayn institutida 2024/2025 o‘quv yili uchun Kasbiy (ijodiy) imtihonlar — joriy yilning 6-iyul sanasidan 12-iyul sanasiga qadar yo‘nalishlar kesimida o‘tkaziladi.

Eslatma: Abituriyentlar https://my.uzbmb.uz/ platformasiga login va parollarini tergan holda Shaxsiy kabinet bo‘limiga kirishlari hamda abituriyent varaqasini (DTM) yuklab olishlari lozim.

Abituriyent varaqasida — kasbiy (ijodiy) imtihon o‘tkaziladigan kun va soat aniq belgilab berilgan!

Abituriyentlar kasbiy (ijodiy) imtihonlarga shaxsini tasdiqlovchi hujjat (pasport yoki ID karta) hamda abituriyent varaqasi (DTM) bilan kelishlari shart.

Shuningdek, imtihonlarga qalam, mo‘yqalam, bo‘yoq (bunda qog‘oz va loy institut tomonidan beriladi) kabi zaruriy vositalar bilan birgalikda kelish maqsadga muvofiq.

Kasbiy (ijodiy) imtihonlar — Toshkent shahar, Mirobod tumani Mironshoh ko‘chasi 123-uyda joylashgan institut Bosh o‘quv binosida bo‘lib o‘tadi.