Document

IJTIMOIY FANLAR KAFEDRASI

Кафедра мудири: Утанова Умида

Қабул: Чоршанба: 15.00-17.00 Шанба: 13.00-15.00

Манзил: Тошкент шаҳри, Яккасарой тумани

Телефон (+99890)353-11-52(+99871) 254-20-23

E-mail: ijtimoiyfanlar. @mail.ru, filosofiya1111@mail.ru

 

“ИЖТИМОИЙ ФАНЛАР” кафедраси фаолияти

Ижтимоий фанлар  кафедрасининг асосий мақсади, талабаларда  ижодий ва маънавий баркамолликни шакллантириш ҳамда санъат фалсафасини тўлақонли идрок этишни тарбиялашдан иборат. Ижтимоий фанлар кафедраси ёшларни ватанпарварлик руҳида тарбиялаш, уларда даҳлдорлик туйғусини шакллантиришга йўналтирилган билим ва малакаларни чуқур эгаллаган, Ўзбекистонда амалга оширилаётган ижтимоий, маънавий, сиёсий ислоҳотларни аҳолининг турли қатламлари онгига етказиш учун санъат тилсимларини ўзлаштирган, ўзининг маънавий қиёфаси билан ёшларга ибрат бўла оладиган малакали бакалавр ва магистрлар тайёрлайдиган кафедралардан бири ҳисобланади. 

 “Ижтимоий фанлар” кафедраси 1997 йилда ташкил этилган. Йўналишига кўра факультетлараро ижтимоий-гуманитар фанларни ўқитишга йўналтирилган кафедра саналади. Кафедрада дастлабки йилларда соҳанинг етук олимлари ф.ф.д. профессор Т.Тошлонов, т.ф.н. доцент  Қ. Абдуллаев, п.ф.н. доцент Э.Сафаева, кейинчалик ю.ф.д. Б.Тошов, соц.ф.д. М.Бекмуродов, сиёсий ф.д. профессор Н.Жўраев, ф.ф.н. Т.Султонов, сиёсий ф.д. профессор Н.Назаров, ф.ф.д. профессор У.Қорабоевлар талабаларга сабоқ беришган. 

Бугунги кунда кафедрада фалсафа фанлари номзоди, доцент У.Утанова, тарих фанлари доктори, профессор Қ.Иноятов, тарих фанлари доктори, профессор И.Остонақулов, тарих фанлари номзоди, доцент Ю.Мамазоитова, юридик фанлари номзоди, доцент Г.Абдуллаходжаев, Турон Ф.А. академиги, доцент Р.Ҳасанов, доцент Н.Алимов,  доцент Д.Жуманиёзова,  ёш мутахассислар Г.Сиддиқова, Г.Машарипова, Б.Маъруфбоев, Ш.Ғаниевлар фаолият олиб бормоқда.

Жорий ўқув йилида кафедра таркибида 8,5 штат бирлигида 13 та профессор ўқитувчилар фаолият кўрсатмоқда. Улардан фан доктори, профессорлар – 3 та; фан номзоди, доцентлар – 6 та; катта ўқитувчилар – 4 нафар.

 

Бакалавриатда ўқитиладиган фанлар (ўзб/рус):

Ўзбекистон тарихи;

Фалсафа;

Диншунослик;

Социология;

Фуқаролик жамияти. Ўзбекистонда демократик жамият қуриш назарияси ва амалиёти;

Миллий ғоя: Ўзбекистонни ривожлантириш стратегияси;

Муаллифлик ҳуқуқи

Интелектуал мулк ҳуқуқи

 

Магиструтурада ўқитиладиган фанлар (ўзб/рус):

Илмий тадқиқот методологияси;

Патентшунослик;

Эстетика

 

Илмий-тадқиқот фаолияти ва нашр ишлари:

Сўнгги йилларда кафедра профессор-ўқитувчилари томонидан нашр этилган ишлар: Д.Жуманиёзова  “Глобаллашув ва маънавий таҳдидлар” (ўқув-услубий қўлланма).  Н. Алимов “Муаллифларнинг шахсий ҳуқуқлари ва уларни муҳофаза қилиш” (ўқув-услубий қўлланма). Р.Хасанов “Фуқаролик жамияти: Назария ва амалиёт”. Р.Хасанов “Сиёсатшунослик” (ўқув-услубий қўлланма).  Ю.Мамазоитова “Экстримизм, терроризм тарихи ва моҳияти. (ўқув-услубий қўлланма). У.Утанова “Этиканинг асосий мезоний тушунчалари, тамойиллари ва меъёрлари” мавзусини ўқитишда педагогик теҳнологияларнинг ўрни (ўқув-услубий қўлланма), У.Утанова “Ўзбек халқ маданияти: назария ва амалиёт” (Монография).

“Ижтимоий фанлар” кафедрасида Фан ва технологиялар қўмитаси томонидан 2015-2017 йиллар учун эълон қилинган илмий-амалий грант лойиҳалари танловида “Ёшларнинг эстетик дидини тасвирий санъат орқали ривожлантириш муамолари” мавзусидаги грант лойиҳаси кафедрада бажарилган. Грант доирасида “Эстетик дид” мавзусида ўқув-услубий қўлланма нашр этилган.

2018-2020 йиллар учун “Ёшларда қатъий фуқоролик позициясини шакллантиришда тасвирий санъат имкониятлар тадбиғи” мавзусидаги илмий-амалий грант лойиҳаси бажарилмоқда. Кафедра доценти в.б Д.Жуманиёзова, катта ўқитувчи Б.Маъруфбоевлар лойиҳа ижрочилари. Грант доирасида “Ёшларда қатъий фуқоролик позициясини шакллантиришда тасвирий санъат имкониятлар тадбиғи” номли ўқув-услубий қўлланма нашрга тайёрланди.

 

Маънавий-маърифий фаолият

Ҳар ойда институт талабалар турар жойида республиканинг машҳур санъаткорлари, олимлари, шоир ва шифокорлари билан турли мавзуларда давра суҳбатлари ўтказилади. Тарихий хотирани мустаҳкамлаш мақсадида аждодларимиз маънавий меросини ўрганиш билан бир қаторда, ёшларимизга ўз замондошларининг ҳаёт йўли билан таништириш учун учрашувлар ўтказилиб, уларга ҳавас қилиш, намуна олишга ўргатмоқда.

Шунингдек, талабаларнинг “Қувноқлар ва зукколар”, “Сиз қонунни биласизми”, “Заковат интелектуал ўйини”, талаба қизлар ўртасида “Ораста рассом” кўрик танловлари, факультетлараро “ЭССЕ” мусобақаларини ўтказиш анъанага айланган. Факультетда ўтказиладиган “Ота-оналар” ташрифи маънавий-маърифий тадбирида ҳам “Ижтимоий фанлар” кафедраси мунтазам иштирок этиб келади. 

Факуьтет миқёсида ҳар йили Наврўз байрами кенг нишонланади. Шунингдек талаба қизларнинг урф-одатларга риоя қилиши, одоб-ахлоқи бўйича тадбирлар ўтказилади. Илгари кафедрада фаолият кўрсатган фидойи профессор-ўқитувчиларнинг “Меҳр кўзда” рукнида уйларига ташриф буюрилиб, уларнинг аҳволидан хабар олинади. Талабаларни миллий маънавий қадриятларга содиқлик руҳида тарбиялаш мақсадида қадимий шаҳарлар, қадамжоларга зиёрат туризми доирасида ташрифлар мунтазам ташкил этилади.

 

Ҳамкорлик алоқалари

М.Улуғбек номидаги Ўзбекистон Миллий Университети;

Ўзбекистон Темир йўллари ва муҳандислик институти;

Тошкент Ислом Академияси;

Ўзбекистон давлат маданият ва санъат институти;

П.Беньков номидаги Республика рассомлик коллежи;

Республика дизайн коллежи;

Қурилиш миллий ҳунармандчилик касб-ҳунар коллежи

Профессор-ўқитувчиларнинг 2018-2019-ўқув йилида бажарган ишлари юзасидан ҲИСОБОТИ