Kamoliddin Behzod nomidagi Milliy rassomlik va dizayn instituti rektori Abbosjon Mirzorahimov tashabbusi bilan institut talaba-yoshlar о‘rtasida sportning futbol turi bо‘yicha tashkil etilgan “Rektor kubogi” musobaqasi о‘z yakuniga yetdi.
Qiziqarli о‘tgan final bahsida Amaliy san’at va dizayn fakultetining “Chempionlar” jamoasi San’atshunoslik va muzeyshunoslik fakultetining “Bunyodkorlar” jamoasini 6 : 1 hisobida mag‘lub etishdi hamda musobaqa g‘olibligi va “Rektor kubogi”ni qо‘lga kiritishdi.
G‘oliblarni muborakbod etgan holda, Yoshlar masalalari va ma’naviy-ma’rifiy ishlar bо‘yicha prorektor Botir Sangirov talaba-yoshlar о‘rtasida sog‘lom muhitni yanada mustahkamlash va bо‘sh vaqtlarini samarali tashkil etish maqsadida о‘tkazilgan mazkur sport tadbirlarida faol ishtirok etgan barcha yoshlarga о‘zining samimiy fikrlarini bildirar ekan, sog‘lom muhit va raqobat bor joyda rivojlanish va о‘sish bо‘lishi, bu kabi sport tadbirlari yoshlar о‘rtasida о‘zaro dо‘stlik va hamjihatlik tuyg‘ularni yanada mustahkamlashi tо‘g‘risida о‘zining samimiy fikrlarini bildirib etdi. “Rektor kubogi” musobaqasida g‘oliblikni qо‘lga kiritgan “Chempionlar” jamoasiga musobaqaning rasmiy kubogi hamda institutning “Tasvir” sport klubi fondidan ajratilgan sport inventar sovg‘alari taqdim etildi.
Shuningdek, joriy yil may oyida “Sport bilan salomatlik sari!” shiori ostida talaba-yoshlar о‘rtasida sportning voleybol, basketbol va stol tennisi turlari bо‘yicha о‘tkazilgan musobaqalarning g‘olib va sovrindorlari ham institut rahbariyatining diplomlari va “Tasvir” sport klubi fondidan ajratilgan sport inventar sovg‘alari bilan taqdirlandi.
Ijtimoiy va ma’naviy muhit barqarorligini ta’minlash bо‘yicha rektor maslahatchisi Qosimjon Mamajonov musobaqalar g‘oliblariga diplom va sovg‘alarni taqdim qilar ekan, doimiy faollik va tashabbuskorlikdan tо‘xtamaslik va sog‘lom raqobat bilan kamol topishlarida bu kabi tadbirlarning о‘rni tо‘g‘risida gapirib о‘tdi.
“Sport bilan salomatlik sari” shiori ostidagi musobaqalarning yoshlar о‘rtasida muntazam tarzda о‘tkazilishi, ular о‘rtasida sog‘lom turmush tarzini barqarorlashtirish uchun zamin yaratadi.
