Ma’lumki, shu kunlarda yurtimizda O‘zbekiston Respublikasi Konstitutisiyasi qabul qilinganligining 30 yilligi keng nishonlanmoqda. Jumladan, Kamoliddin Behzod nomidagi Milliy rassomlik va dizayn instituti Tasviriy san’at fakulteti Dastgoh va kitob grafikasi ta’lim yo‘nalishi talabalari – Xodjatayeva Aziza, Mehmonova Anora, Tolibxonova Visola, Nuriddinov Ibrohim, Istamoshev Ulug’bek, Muxitov Mirodil, Abdullayev Umriazizlar tyutor Salomat Isaqulova boshchiligida Yakkasaroy tumanida joylashgan 118-maktabda “Konstitutsiya – baxtimiz poydevori” nomli tadbir tashkil etdilar.
Tadbir avvalida R.Glier nomli musiqa maktabi о‘quvchilari maktabda ta’lim-tarbiya olayotgan bolajonlar uchun musiqiy chiqish uyushtirishdi. Tadbirda talaba-yoshlar tomonidan “Grafika” nomli ko‘rgazma tashkil etildi. Unda talaba-yoshlar tomonidan yaratilgan betakror ijodiy ishlar maktab o‘quvchilarida katta qiziqish uyg‘otdi hamda bu kabu asarlarning yaratish jarayoni bilan tanishish va bevosita ishtirok etish istagi paydo bo‘ldi.
Bolajonlarning bu istagi inobatga olinib, maxsus mahorat darsi tashkil etildi va unda o‘quvchilar ijodiy asar yaratish, uning bosqichlari, qaysi jihatlarga e’tibor qaratishlari zarurligi haqida batafsil ma’lumotga ega bo‘lishdi. Mazkur tadbirda o‘quvchilarning o‘zlari ham konstitutsiya haqidagi fikrlarini tasviriy san’at orqali ifoda etish imkoniga ega bo‘lishdi. Ushbu rasmlardan eng munosiblari saralanib, mualliflari tashkilotchilar tomonidan rag‘batlantirildi. Tadbir sо‘ngida maktab rahbariyati tadbir tashkilotchilariga о‘z minnatdorligini bildirib, hamkorlikni yana davom ettirish taklifini bildirdi.
