Bugun Toshkent davlat yuridik universiteti tomonidan til o‘qituvchilarining pedagogik mahoratini oshirish va o‘qitish
sifatini yaxshilashga erishish maqsadida “ESP – Empowering Students to Progress” mavzusida xalqaro ilmiy-amaliy konferensiya o‘tkazildi.
✨Xalqaro konferensiyada xorijiy tashkilotlar vakillari, respublika va xorijiy oliy ta’lim va ilmiy tadqiqot muassasalarining yetakchi soha olimlari, professor-o‘qituvchilar, mutaxassislar, ekspertlar qatorida Kamoliddin Behzod nomidagi Milliy rassomlik va dizayn instituti “O’zbek va xorijiy tillar” kafedrasi mudiri Gulnora Azizova hamda kafedra o‘qituvchisi Sevara Jumayevalar ham ishtirok etishdi.
✔️Mazkur xalqaro konferensiyada xorijiy til ta’limi, xorijiy tillarni o‘qitish usullari, ta’lim jarayoniga innovatsion texnologiyalarni joriy etish bilan bog‘liq dolzarb muammolar va ularning yechimlarini topish kabi masalalar muhokama qilindi.