Fakultet haqida
1997-yilda Amaliy san’at fakulteti qoshida Dizayn kafedrasi tashkil etildi. 2001-yildan boshlab “Libos dizayni” kafedrasi konstruktorlik bo‘limidan ajralib chiqdi. Respublika miqyosida dizayn sohasi bo‘yicha malakali mutaxassislarga bo‘lgan ehtiyoj va ushbu yo‘nalishga ortib borayotgan talabni inobatga olib, 2003-yilda Dizayn fakulteti tashkil etildi.
“Amaliy grafika va badiiy fotografiya” kafedrasi Amaliy san’at fakultetidan ajratilib, 2019-yilda Dizayn fakulteti tarkibiga qo‘shildi.
Fakultetda ko‘plab yetuk mutaxassislar pedagogik faoliyat olib borgan. Jumladan, “Dizayn” kafedrasida arxitektura fanlari nomzodlari, professorlar Q. Muhammedjanov va R. Asamov, shuningdek M. Maxmudova, R. Zohidov, B. Inog‘omov va M. Razikberdiyev; “Libos dizayni” kafedrasida V. Chursina, A. Allabergenova, U. Xadjayeva, N. Allaberganova va Z. Devletshayeva; “Amaliy grafika” kafedrasida esa D. Nikolaevich, R. Ayupov va P. Xaitov kabi professor-o‘qituvchilar faoliyat yuritgan.
Hozirgi kunda fakultet tarkibida 3 ta kafedra mavjud bo‘lib, ularning barchasi mutaxassis tayyorlovchi kafedralar hisoblanadi. Fakultetda 5 ta bakalavriat ta’lim yo‘nalishi va 4 ta magistratura mutaxassisligi bo‘yicha kadrlar tayyorlanadi.
Kafedralar
Fakultetda faoliyat yurituvchi kafedralar
Amaliy grafika va badiiy fotografiya kafedrasi
1997-yilda Kamoliddin Behzod nomidagi Milliy rassomlik va dizayn instituti tashkil etilgach, uning tarkibida “Amaliy grafika” kafedrasi faoliyat boshlagan. Keyinchalik mazkur kafedra rivojlanib, “Amaliy grafika va badiiy fotografiya” nomi bilan faoliyat yurita boshladi.
Libos dizayn kafedrasi
1999-yilda Kamoliddin Behzod nomidagi Milliy rassomlik va dizayn institutining “Amaliy san’at” fakulteti tarkibida “Dizayn” kafedrasi tashkil etilgan
Dizayn kafedrasi
1976 yilda A.N.Ostrovskiy nomidagi Toshkent teatr va rassomlik instituti “Monumental- dekorativ rangtasvir” kafedrasi qoshida yangi “Interyer va jihoz” bo‘limi ochildi. 1983 yilda “Monumental-dekorativ rang tasvir” kafedrasi tarkibida yangi “Arxitektura dekorlarini ta’mirlash” bo‘limi tashkil etilishi munosabati bilan yangi “Arxitektura dekorlarini ta’mirlash va interyerni loyihalash” kafedrasi ochildi.
Yo'nalishlar
Fakultetda 7 ta ta'lim yo'nalishi mavjud