Fakultet haqida
San’atshunoslik va muzeyshunoslik fakulteti O‘zbekiston Respublikasi Prezidentining 1997-yil 23-yanvardagi “O‘zbekiston Badiiy akademiyasini tashkil etish to‘g‘risida”gi qaroriga muvofiq “Tasviriy san’at tarixi va nazariyasi” kafedrasi negizida tashkil etilgan.
2021-yil 27-avgustdan boshlab fakultet “San’atshunoslik va muzeyshunoslik” fakulteti nomi bilan faoliyat yurita boshladi. Fakultet san’atshunoslik va muzeyshunoslik yo‘nalishlari bo‘yicha yuqori malakali kadrlar tayyorlashga ixtisoslashgan.
1997-yilda Kamoliddin Behzod nomidagi Milliy rassomlik va dizayn instituti tashkil etilishi bilan uning tarkibida Amaliy san’at fakulteti ham faoliyat boshlagan. Mazkur fakultet bakalavriat bosqichida bir qator ta’lim yo‘nalishlari, jumladan amaliy san’at asarlarini ta’mirlash, kasbiy ta’lim, badiiy zargarlik, badiiy naqqoshlik, badiiy kulolchilik, me’moriy yodgorliklar bezagi va amaliy san’at asarlarini ta’mirlash yo‘nalishlari bo‘yicha, shuningdek magistratura bosqichida tasviriy va amaliy bezak san’ati, san’at asarlari va me’moriy yodgorliklar bezagini ta’mirlash hamda badiiy kulolchilik mutaxassisliklari bo‘yicha mutaxassislar tayyorlab kelgan.
2025-yil sentabr oyidan boshlab San’atshunoslik va muzeyshunoslik fakulteti Amaliy san’at fakulteti bilan birlashtirilib, “San’atshunoslik va amaliy san’at” fakulteti sifatida faoliyat yuritmoqda.
Hozirgi kunda fakultet tarkibida 6 ta kafedra mavjud bo‘lib, ularning 5 tasi mutaxassis tayyorlovchi kafedralar hisoblanadi. Fakultetda 12 ta bakalavriat ta’lim yo‘nalishi va 6 ta magistratura mutaxassisligi bo‘yicha talabalar tahsil olmoqda.
Kafedralar
Fakultetda faoliyat yurituvchi kafedralar
Ijtimoiy fanlar va informatika kafedrasi
2003-yilda “Informatika va menejment” kafedrasi tashkil etilgan. 2024-yil 13-avgustdagi institut Kengashi qaroriga asosan “Informatika va menejment” hamda “Ijtimoiy fanlar va jismoniy madaniyat” kafedralari birlashtirilib, “Ijtimoiy fanlar va informatika” kafedrasi qayta tashkil etildi. Hozirgi kunda kafedra Kamoliddin Behzod nomidagi Milliy rassomlik va dizayn institutining San’atshunoslik va muzeyshunoslik fakulteti tarkibida faoliyat yuritmoqda.
Badiiy kulolchilik va ta'mirlash kafedrasi
Me’moriy yodgorliklar bezagi Me’moriy yodgorliklarni muhofaza qilish, ta’mirlash va ularning me’moriy-badiiy qadriyatlarini o‘rgatish orqali milliy merosni asrab-avaylash – kafedraning assosiy vazifalaridan biridir. Bunda zamonaviy talablarga mos loyihalar ishlab chiqish, malakali mutaxassislar tayyorlash, shuningdek jamiyatda me’moriy yodgorliklarga ehtirom va ularni asrab-avaylash madaniyatini shakllantirish kafedra faoliyatining muhim yo‘nalishlari hisoblanadi.
O‘zbek va xorijiy tillar kafedrasi
1999-yilda Kamoliddin Behzod nomidagi Milliy rassomlik va dizayn instituti tarkibida “Tillar va adabiyot” kafedrasi tashkil etilgan
Muzeyshunoslik kafedrasi
Muzeyshunoslik ta’lim yo‘nalishi o‘z faoliyatini 1997-yildan boshlagan bo‘lib, 2001-yildan alohida kafedra sifatida faoliyat yurita boshladi. O‘quv jarayoniga yirik olimlar – O‘zbekiston Fanlar akademiyasi akademigi O‘.Islomov, M.Isxoqov va boshqalar jalb etilishi soha ta’limi yuksalishiga ijobiy ta’sirini ko‘rsatdi.
San’at tarixi va nazariyasi kafedrasi
1965-yilda Teatr va rassomlik institutining Ilmiy kengashi tashabbusi bilan san’atshunoslik ta’lim yo‘nalishi hamda “Tasviriy san’at tarixi va nazariyasi” kafedrasi tashkil etilgan. 2020-yilda institut Kengashi qaroriga asosan kafedra nomi “San’at tarixi va nazariyasi” deb qayta nomlandi.
Amaliy bezak san'ati kafedrasi
“Amaliy bezak san’ati” kafedrasi “Amaliy bezak san’ati” kafedrasi 2023-yil fevral oyidan boshlab Kamoliddin Behzod nomidagi Milliy rassomlik va dizayn institutining “Badiiy kulolchilik va me’moriy yodgorliklar bezagini ta’mirlash” kafedrasidan ajralib chiqib, mustaqil kafedra sifatida faoliyat yuritib kelmoqda.
Yo'nalishlar
Fakultetda 15 ta ta'lim yo'nalishi mavjud