Document

LIBOS DIZAYNI KAFEDRASI

Kafedra mudiri:  Feruza Zaxirovna Ataxanova

Qabul vaqti: Dushanba- Chorshanba: 15.00-17.00

Ish telefoni: +99871-254-20-27

E-mail: df@mrdi.uz

 

“Libos dizayni” kafedrasi

“Libos dizayni” kafedrasi Kamoliddin Behzod nomidagi Milliy rassomlik va dizayn instituti qoshida 2001 yilda tashkil etilgan bo‘lib, uning konsepsiyasi dizaynerlik loyihalash faoliyatining yangicha uslubiy tushunchasiga asoslangan.

Milliy an’analar va o‘zbek san’atining yutuqlari hamda chet el dizaynerlari tajribasini uyg‘unlikda qo‘llay olish esa libos shaklining zamon va makonda rivojlanishini, bu rivojlanishning sifat va miqdoriy o‘rganish usullaridan foydalanish kabi dolzarb metodologik masalalarni echish imkonini beradi.

Shu nuqtai nazardan kelib chiqib, “Kostyum va uning bichim tarixi”, “Libosda kompozitsiya va rang”, “Dizayn-loyihalash”, “Materialshunoslik”, “Tikuv buyumlarning tikish texnologiyasi”, “Tikuv buyumlarni konstruksiyalash”, “Maketlash” kabi mutaxassislik fanlaridan bilim berish hamda amaliy ko‘nikmalarni sayqallash orqali talabalarning ijodiy fikrlashini shakllantirish va taraqqiy ettirish kafedra oldida turgan asosiy masaladir. O‘quv dasturimizning asosiy maqsadlaridan:

  1. Libos, to‘qimachilik mahsulotlari va aksessuarlarning yangicha turlari va shakllarini o‘rganish, loyihasini yaratish va ishlab chiqarishga joriy etishdir.
  2. Ijodiy g‘oya va ishlanmalarini ro‘yobga chiqarish uchun kerak bo‘ladigan nazariy bilim va amaliy ko‘nikmalarni egallash.

Bo‘lajak dizaynerlarni tayyorlash o‘qish davrida libos loyihalashning barcha zamonaviy bosqichlarini o‘rganish orqali izchillik bilan amalga oshiriladi. Umuman olganda, “Libos dizayni” kafedrasida olib boriladigan o‘quv jarayoni talabalarning fantaziyasi va obrazli fikrlash doirasini kengaytiradi, did va ijodiy qobiliyatini sayqallaydi, liboslarni badiiy loyihalash kabi dizaynerlik faoliyatini yuritish uchun zaruriy bo‘lgan professional malaka va bilimlarni berishni ta’minlaydi.

Bu esa albatta, O‘zbek modasini rivojlantirish va dunyoga keng tadbiq etishga xizmat qiladi.

Kafedra talabalari va bitiruvchilari O‘zbekiston va chet elda o‘tkaziladigan ko‘rik, konkurs, moda namoyishlarida faol va muvafaqqiyatli ishtirok etib, nufuzli sovrinlarga ega bo‘lib kelishmoqda.

Kafedra professor-o‘qituvchilari tarkibi libos loyihasini yaratish sohasida bir necha yillardan beri faoliyat ko‘rsatib kelayotgan professional konstruktor va ijodkor rassomlardan –  o‘z ishining tajribali ustalaridan iborat.

Bular:

  1. Kafedra mudiri A.Z.Rashidov
  2. Professor A.CHursina
  3. F.D. dotsent. M.Abdukarimova
  4. Dotsent M.Xodjaeva
  5. Dotsent F.Z.Ataxanova
  6. Katta o‘qituvchi M.A.Zaripova
  7. Katta o‘qituvchi R.SH.Gaysina
  8. O‘qituvchi A.S.Saydiganieva
  9. O‘qituvchi Z.S.Umarova
  10. O‘qituvchi G.E.Umarova
  11. O‘qituvchi R.K.Kirgizboeva
  12. O‘qituvchi N.A.Usmanova
  13. O‘qituvchi Z.A. G‘anieva
  14. O‘qituvchi D.R.Tursunpo‘latova

DIZAYN KAFEDRASI

LIBOS DIZAYNI KAFEDRASI

PEDAGOGIKA VA KASBIY TA’LIM KAFEDRASI