O‘zbekiston xalq artisti, bastakor, dirijyor, xalqaro mukofotlar sovrindori, pedagog va jamoat arbobi Muxtor Ashrafiy tavalludining 110 yilligi va uy-muzeyi tashkil etilganiga 40 yil tо‘lishi munosabati bilan yurtimiz bо‘ylab kо‘plab ma’naviy-ma’rifiy tadbirlar tashkil etildi.
Jumladan, Muxtor Ashrafiy ijodini tasviriy san’at asarlari orqali targ‘ib etish, kompozitor asarlarini plakat janrida talqin etish va asarlarning afishalarda ifodalash orqali yosh rassomlarda uning ijodi haqida keng ijodiy tasavvur uyg‘otish, ularning ijodida milliy ruh va milliy g‘oyani yanada kuchaytirish va har tomonlama rag‘batlantirish maqsadida Madaniy meros agentligi, Kamoliddin Behzod nomidagi Milliy rassomlik va dizayn instituti hamda Muxtor Ashrafiy uy-muzeyi bilan hamkorlikda talaba-yoshlar о‘rtasida Muxtor Ashrafiy tavalludining 110 yilligiga bag‘ishlangan “Yosh rassomlar plakat asarlari” respublika tanlovi о‘tkazildi.
Tadbir avvalida sо‘zga chiqqan Yoshlar masalalari va ma’naviy-ma’rifiy ishlar bо‘yicha birinchi prorektor Botir Sangirov bugungi tanlov о‘zbek tasviriy san’ati va musiqa san’atini о‘ziga jam eta olgan muhim tanlov ekanligini, bugun yaratilgan ijodiy ishlar orqali Muxtor Ashrafiy ijodining yana-da yangi qirralari ochilgani, muhimi esa yoshlar о‘rtasida buyuk bastakorning hayoti va ijodi haqida yorqin tasavvur uyg‘ota olganini hamda institut bu kabi tanlovlarni tashkil etish va hamkorlikni davom ettirishga tayyor ekanligini alohida ta’kidlab о‘tdi.
Madaniy meros va turizm vazirligi huzuridagi Madaniy meros agentligi direktorining birinchi о‘rinbosari Tursunali Qо‘ziуev, Muxtor Ashrafiy uy-muzeyi direktori Nataliya Gunova hamda О‘zbekiston Fanlar Akademiyasi San’atshunoslik instituti katta ilmiy xodimi Venera Zakirovalar ham sо‘zga chiqib, bu tanlov umuman olganda о‘zbek san’atining yutug‘i ekanligini alohida qayd etib, g‘oliblarni yutuq bilan muborakbod etishdi.
Tanlov natijalariga kо‘ra:
Turabekova Marjona – 3-darajali diplom hamda ikki million (2 000 000) sо‘m pul mukofoti bilan;
Utkurbekova Farangiz 2-darajali diplom hamda uch million (3 000 000) sо‘m pul mukofoti bilan;
Ovchinnikova Anna 1-darajali diplom hamda besh million (5 000 000) sо‘m pul mukofoti bilan taqdirlanishdi.Shuningdek, tanlovda ishtirok etgan 16 nafar ijodkor yoshlar sertifikatlar bilan taqdirlanishdi.
