Ijodkor talaba qizlar uchun yangi stipendiya joriy etildi!
Iqtidorli xotin-qizlarni oliy ta’lim muassasalarida qo‘llab-quvvatlash uchun Kamoliddin Behzod nomidagi Milliy rassomlik va dizayn institutida “Shamsiro‘y Hasanova nomidagi maxsus stipendiya” ta’sis etildi.
Maxsus stipendiya talablari:
o‘quv yili davomida aʼlo va yaxshi baholarga o‘qish;
tasviriy va amaliy san’at bo‘yicha ijodiy asarlar yaratish;
Shamsiro‘y Hasanova faoliyatiga doir ilmiy-tadqiqotlar olib borish;
san’atshunoslik va muzeyshunoslikni keng targʼib qilish yo‘nalishida alohida faollik ko‘rsatish;
institutning ilmiy va maʼrifiy hayotida faol bo‘lishlari kerak.
Talabgorlarning hujjatlari joriy yilning 1-fevralga qadar qabul qilinadi!
Stipendiyaga sazovor bo‘lgan talaba qizlar “Shamsiro‘y Hasanova nomidagi maxsus stipendiya sohibi” guvohnomasi hamda pul mukofoti bilan taqdirlanadi.