Bugungi dastur doirasida kunning ikkinchi yarmida loyiha ishtirokchilari uchun ochiq havoda ijodiy mashg‘ulotlar o‘tkazildi. Mashg‘ulot davomida ishtirokchilar haykaltaroshlik yo‘nalishida portret ishlash hamda kulolchilik yo‘nalishida amaliy san’at asarlarini yaratish va ularga bezak berish jarayonida faol ishtirok etdilar.

Amaliy jarayon davomida qatnashchilar turli materiallar bilan ishlash, shakl va kompozitsiya yaratish bo‘yicha o‘z bilim va ko‘nikmalarini yanada boyitdilar.

Ochiq osmon ostida tashkil etilgan ushbu mashg‘ulot ishtirokchilarga nafaqat yangi tajriba, balki ilhom va unutilmas taassurotlar ham ulashdi hamda  ijodiy ruhda va yuqori kayfiyatda o‘tdi!