Majlis avvalida institut rektori Omonulla Salixov  2026-yil 1-choragida institutda amalga oshirilgan ishlar bo'yicha Kengash a'zolariga hisobot berdi hamda  an'anaga muvofiq, yaqin kunlarda ilmiy  unvon  olgan professor-o‘qituvchilarga guvohnomalarini topshirish marosimi tashkil etildi.

Shundan so‘ng Mart oyi Institut Kengash majlisi kun tartibi doirasida:

1. Kafedralarda faoliyat yuritayotgan professor-o‘qituvchilarning egallab turgan lavozimlaridagi 5 yillik muddati tugaganligi sababli bo‘sh o‘rinlarga tanlov o‘tkazish;
2. Institut professor-oʻqituvchilarning nomzodlarini dotsent ilmiy unvoniga tavsiya etish; 
3. Fakultetlar kesimida Ichki attestatsiya komissiyasi tomonidan olib borilgan o‘rganish ishlari natijalari;
4. O‘zbekiston Respublikasi Prezidentining Farmonlari, O‘zbekiston Respublikasi Vazirlar Mahkamasi qarorlari, Oliy ta’lim, fan va innovatsiyalar vazirligi Hay’at qarorlari, O‘zbekiston Badiiy akademiyasi buyruqlari hamda institut Kengashining qarorlarining bajarilish holati;
5. Mutaxassislik kafedralari tomonidan ish rejalari asosida joriy o‘quv yilida biriktirilgan ixtisoslashtirilgan maktablar bilan amalga oshirilgan ishlar;
6. Institut professor-o‘qituvchilari tomonidan tayyorlangan o‘quv adabiyotlarni nashrga tavsiya etish;
7. Institutning Shamsiro‘y Hasanova nomli stipendiyasiga iqtidorli talaba-qizlarning nomzodlarini tavsiya etish;
8. Magistratura bosqichi talabalarining magistrlik dissertatsiyalarining bajarilishi bo‘yicha monitoring ishlari;
9. Yoshlar akademiyasi liderlari faoliyati;
10. Xalqaro hamkorlik bo‘limi faoliyati;
11. Talabalar turar joyida amalga oshirilgan ma’naviy-ma’rifiy ishlar;
12. O‘zbekiston Badiiy akademiyasi tashabbusi bilan an’anaviy tarzda tashkil etilayotgan Tasviriy va amaliy san’at festivaliga tayyorgarlik ko‘rish hamda shu kabi  turli muhim  masalalar ko‘rib chiqildi.