Talaba-yoshlar o'rtasida milliy va zamonaviy sport turlarini ommalashtirish, sog'lom turmush tarzini targ'ib qilish hamda tarixiy merosimizga hurmat ruhini mustahkamlash maqsadida, Amir Temur tavalludining 690 yilligi munosabati bilan institutimizda qator musobaqalar o'tkazildi.

Musobaqalar doirasida arqon tortish, kamondan o'qotish, armresling va tosh ko'tarish kabi sport turlari bo'yicha bellashuvlar tashkil etildi. Tadbir davomida talabalar o'zlarining jismoniy tayyorgarligi, chaqqonligi va jamoaviy hamjihatligini namoyon etdilar.

Ayniqsa, arqon tortish bahslarida jamoalar o'rtasidagi keskin kurashlar tadbirga alohida shukuh bag'ishladi. Kamondan o'q otish musobaqalari esa jasorat va milliy qadriyatlarimizni aks ettirgan holda ishtirokchilarda katta qiziqish uyg'otdi.

Mazkur sport musobaqalari nafaqat talaba-yoshlarning bo'sh vaqtini mazmunli tashkil etishga xizmat qildi, balki ularda jamoaviylik, matonat va g'alabaga intilish kabi fazilatlarni yanada mustahkamladi